ბათუმში “ხოზრევანიძის კლინიკა” რამდენიმე დღით დაიხურება. საავადმყოფოს კლინიკური მენეჯერის, დალილა ცივაძის განცხადებით, გეგმური ტესტირებისას ექიმს კორონავირუსი გამოუვლინდა და საავადმყოფოში ამჟამად მიმდინარეობს სადეზინფექციო სამუშაოები:
“გეგმური PCR-ტესტირების დროს, რაც სავალდებულოდ უტარდება პერსონალს, საავადმყოფოს ადმინისტრაციის ერთ-ერთ თანამშრომელს COVID-19 დაუდასტურდა.
ამ ეტაპზე ტარდება პროტოკოლით გათვალისწინებული სავალდებულო სადეზინფექციო ღონისძიება და განმეორებითი PCR ტესტირება. შაბათ-კვირას ჩატარდება დეზინფექცია. ორშაბათს კი ჩვეულებრივ რეჟიმში გაიხსნება კლინიკა.
ვიდრე არ დასრულდება ყველა კონტაქტირებული პირის PCR ტესტირება და დეზინფექცია, სტაციონარი დახურული იქნება“, – განაცხადა დალილა ცივაძემ.
