“თბილისი ენერჯი” განცხადებას ავრცელებს, საიდანაც ცნობილი ხდება, რომ ახალდაბის ქუჩაზე, კერძო სახლში, რეზინის მილიდან გაზი ჟონავდა და რამდენიმე ადამიანი სიკვდილს შემთხვევით გადაურჩა:
“დაუჯერებელი ამბავია, მაგრამ ეს თბილისში, ახალდაბის ქუჩაზე, ცოტა ხნის წინ მოხდა.
⚠️ ამ რეზინის მილიდან, რასაც ფოტოზე ხედავთ, გაზი ჟონავდა და კერძო სახლი, სადაც მდგმურები ცხოვრობდნენ აფეთქებას გადაურჩა.
⚠️ ერთ-ერთმა მდგმურმა, რომელიც საცხოვრებლად სხვაგან გადავიდა, მოხსნა გაზქურა და თან წაიღო. გაზის რეზინის მილი კი ღია მდგომარეობაში დააგდო.
⚠️ ”თბილისი ენერჯის” სწრაფი რეაგირების სამსახურს, გაზის სუნის შესახებ მეზობლებმა შეატყობინეს. 114-ის ჯგუფის ოპერატიულობით და ყურადღებიანი მეზობლების დახმარებით სახლი აფეთქებას გადაურჩა.
ნუ შეუქმნით საფრთხეს მეზობლებს, ნუ გახდებით მკვლელები,” – ნათქვამია “თბილისი ენერჯის” მიერ გავრცელებულ განცხადებაში.
ავტორი
მახო ზავრაშვილი
