პოლიტოლოგი გია ხუხაშვილი, ,,ნაციონალური მოძრაობის” პოლიტიკურ ზრახვებზე საუბრობს და მიაჩნია, რომ პარტიის მიზანი არა ხელისუფლების ჩანაცვლება, არამედ მთავარი ოპოზიციური პარტიის სტატუსის შენარჩუნებაა, რის მოტივადაც 2024 წელს ხელისუფლებაში მოსვლის შესაძლებლობა შეიძლება იყოს:
,,პოლიტიკური სტრატეგიის ლოგიკით ,,ნაციონალური მოძრაობა“ არ არის დაინტერესებული ხელისუფლების ცვლილებით და თუნდაც მისი გაზავებით და აი რატომ:
მისი ელექტორალური ზრდის პოტენციალი ამ ეტაპზე შეზღუდულია. ისეთი ალტერნატივის ფორმირებაც, რომლის ცენტრში თვითონ იქნება, შეუძლებელია.
ამიტომ, მას ურჩევნია ხელისუფლებაში დარჩეს ,,ქართული ოცნება” და თვითონ შეინარჩუნოს მთავარი ოპოზიციური პარტიის სტატუსი, რაც უტოვებს შანსს 2024 წელს დაბრუნდეს ხელისუფლებაში.
თუ დღეს ,,ქართული ოცნება” შეიცვალა, გაზავდა, ან რაიმე ახალი კოალიცია გაჩნდა, ამ შემთხვევაში კარგავს 2024-ის პერსპექტივას.
დასკვნა: ,,ნაციონალური მოძრაობა” და ,,ქართული ოცნება” სისტემური, ანტაგონისტი, სიმბიოზური მოკავშირეები არიან“, – წერს გია ხუხაშვილი ფეისბუქის პირად გვერდზე.
ავტორი
ქეთა გაბრიაძე
