თბილისის საკრებულოს ყოფილი წევრი სოსო მანჯავიძე შეკვეთილში დენდროლოგიური პარკის გახსნას საკუთარ ფეისბუქის გვერდზე გამოეხმაურა და აღნიშნა, რომ პროექტი დიდებულია და ნამდვილი საოცრება. იგი ასევე მესამე პრეზიდენტის მიხეილ სააკაშვილის განცხადებას ეხმიანება, რომელმაც დააანონსა, რომ 100 დღეში საქართველოში ჩამოვა და ამასთან ექსპრეზიდენტს ტირანოზავრი უწოდა:
„ვნახე დენდროლოგიური პარკი. ძალიან მომეწონა, მაგრამ უკმარისობის განცდა დამრჩა.
“იურული პერიოდის პარკისგან” განსხვავებით აქ არ არის ვოლიერები დინოზავრებისათვის, არადა, მთავარი ტირანოზავრი 100 დღეში აქ უნდა იყოს.
სასურველია ასევე მოეწყოს ვოლიერები იურიული პერიოდის ფაუნის სხვა მტაცებელი სახეობებისათვისაც,
სამი წელია ამ ხეებს დასდევდნენ და უსამართლობა იქნება იქ რომ არ დავაბინავოთ.
ისე, მართლა უნდა მიუსაჯო შრომა-გასწორებითი სამუშაოები დენდროლოგიურ პარკში, განსაკუთრებით იმათ, ერთი კაცის ეზოაო, ხეგლეჯიაო და ასეთ იდიოტობებს რომ იძახდნენ. დინოზავრები ტყუილად არ გამხსენებია, მართლაც რეპტილოიდური აზროვნება აქვთ.
ახლა გაჩუმდნენ ვითომც აქ არაფერი და დარწმუნებული ვარ, იმაზე ოცნებობენ, რომ ეს პარკი გახმეს,.
ხუმრობა იქით იყოს და მართლაც დიდებული პროექტია, ნამდვილი საოცრება,“ – წერს სოსო მანჯავიძე.
ავტორი
თამთა ასლანიშვილი
