27 ივნისს, საქართველოსა და ევროკავშირის სრულიად ახალი ეტაპის წამოწყებას 6 წელი შეუსრულდა. ასოცირების შეთანხმება არის სწორედ ის საძირკველი, რომელზეც შენდება საქართველოს ევროპული მომავალი, აცხადებს საქართველოს პრემიერ-მინისტრი გიორგი გახარია. მისივე თქმით, საქართველოს აქვს უფრო მეტი რეფორმებით დატვირთული გზა ევროპისკენ, რომელიც დიდ ძალისხმევას, თავდადებასა და ურთიერთანადგომას მოითხოვს.
“6 წლის წინ, 2014 წლის 27 ივნისს, დაიწყო საქართველოსა და ევროკავშირის ურთიერთობის სრულიად ახალი ეტაპი. ასოცირების შეთანხმება, ჩვენი ქვეყნისთვის, არის სწორედ ის საძირკველი, რომელზეც შენდება საქართველოს ევროპული მომავალი.
დღემდე საქართველომ მნიშვნელოვან პროგრესს მიაღწია ევროკავშირთან ინტეგრაციის არაერთი მიმართულებით, რასაც მოჰყვა კიდეც კონკრეტული ხელშესახები შედეგები ჩვენი ქვეყნისათვის – თითოეული ჩვენი მოქალაქისათვის. ჩვენ ეტაპობრივად სულ უფრო წინ მივიწევთ ევროკავშირთან ეკონომიკური ინტეგრაციისაკენ, რაც ქვეყანას უფრო მტკიცედ აკავშირებს ევროპულ სტრუქტურებთან და შეუქცევადს ხდის ჩვენი ევროინტეგრაციის პროცესს.
ჩვენ წინ გვაქვს უფრო მეტი რეფორმებით დატვირთული გზა ევროპისკენ, რომელიც თითოეული ჩვენგანისგან მოითხოვს ყოველდღიურ ძალისხმევას, თავდადებასა და ურთიერთთანადგომას,“ – აცხადებს გიორგი გახარია.
საქართველოს პრემიერ-მინისტრი მადლობას უხდის ყველა იმ ადამიანს, ვინც ყოველდღიურად ბრძოლობს იმისთვის, რომ დაჩქარდეს პროცესები, რომელიც ევროკავშირში შესვლას უკავშირდება.
ავტორი
ქეთა გაბრიაძე
