თბილისში, ნუცუბიძის პლატოზე, ამაშუკელის ქუჩაზე გაზგასამართი სადგურის აფეთქების შემდეგ ადგილზე ექსპერტ-კრიმინალისტი მუშაობდა და საგამოძიებო მოქმედებების დროს დენმა დაარტყა. შსს-ს ინფორმაციით დაშავებულის მდგომარეობა მძიმეა:
„შინაგან საქმეთა სამინისტროს საექსპერტო-კრიმინალისტიკური დეპარტამენტის თბილისის საექსპერტო სამსახურის ექსპერტ-კრიმინალისტი თბილისში, ელგუჯა ამაშუკელის ქუჩაზე მდებარე გაზგასამართ სადგურში, საგამოძიებო მოქმედებების ფარგლებში, შემთხვევის ადგილის დამატებით დათვალიერებას ახორციელებდა, რა დროსაც, პირველადი ინფორმაციით, მას დენმა დაარტყა.
მომხდარის შედეგად, ექსპერტ-კრიმინალისტმა ჯანმრთელობის დაზიანება მიიღო. იგი სასწრაფო სამედიცინო დახმარების ჯგუფმა კავკასიის მედიცინის ცენტრში გადაიყვანა. ამ დროისთვის მისი ჯანმრთელობის მდგომარეობა მძიმეა.
გამოძიება საქართველოს სსკ-ის 240-ე პრიმა მუხლის პირველი ნაწილით მიმდინარეობს,“ – აღნიშნულია შინაგან საქმეთა სამინისტროს განცხადებაში.
ავტორი
თამთა ასლანიშვილი
ინფორმაციისთვის: ამაშუკელის ქუჩაზე გაზგასამართი სადგური „ეკო გაზი“ 2 დღის წინ, ღამის საათებში აფეთქდა, აფეთქებისას კი მათივე თანაშრომელი დაშავდა.
თბილისში გაზგასამართ სადგურ “ეკო გაზის” აფეთქებისას მათივე თანამშრომელი დაშავდა – ოთარ კერესელიძე
