ანალიტიკოსი ზაალ ანჯაფარიძე კონკრეტული შეფასებებით ეხმაურება საზოგადოებისთვის ცნობადი ადამიანების, მაგალითად ამირან გამყრელიძეს, ანზორ მელიას მიერ ცნობილი პედიატრის, აკადემიკოს გიორგი (გოგა) ჩახუნაშვილის მიმართ სოლიდარობისა და მხარდაჭერის გამოხატვას, რომელსაც თბილისის საქალაქო სასამართლომ 5 წლით თავისუფლების აღკვეთა მიუსაჯა, 4 ოქტომბრის საქმეზე:
“სრული სამართლებრივი ნიჰილიზმი სუფევს ჩვენი საზოგადოების ერთ ნაწილში, რომელიც მოიცავს საზოგადოებისთვის ცნობად ადამიანებს, მაგალითად ამირან გამყრელიძეს, ანზორ მელიას, რომლებიც ჭმუნავენ იმაზე, რომ როგორ შეიძლება ცნობილი ექიმი ციხეში გაუშვა.
გამოდის, რომ მათთვის და მათნაირებითვის ამოსავალი წერტილი კანონი, სამართალი და სახელმწიფო კი არა, სნობისტური გაგებაა – ვიღაცის ცნობადობა, დამსახურება, რომელიც მათი ფილოსოფიით, ინდულგენციას იძლევა ნებისმიერ ქმედებებზე, მათ შორის დანაშაულზე.
რა უნდა მოუხერხო ასეთ შემადგენლობას? მათ ვერ გადააკეთებ, არადა აშკარად სახიფათო ფილოსოფია აქვთ. საინტერესოა, უბრალო, საზოგადოებისთვის უცნობი ექიმი რომ ყოფილიყო დანაშაულის ჩამდენი, ასე გამოიდებდნენ თავს?! გარწმუნებთ ყურს არ შეიბერტყავდნენ!” – წერს სოციალურ ქსელში ზაალ ანჯაფარიძე.
