რუსეთის საგარეო საქმეთა სამინისტროს სპიკერის, მარია ზახაროვას მიერ გაკეთებულ ერთგვარ გამაფრთხილებელ განცხადებას, კონკრეტული პოზიცია-განმარტებებით ეხმაურება ანალიტიკოსი ზაალ ანჯაფარიძე:
“შეაჟრიალათ ზოგიერთებს მოსკოვიდან წამოსული მკაცრი გაფრთხილებით, ემანდ არაფერი შეგეშალოთო ევროკავშირის პონტშიო. რატომ ეგონათ ზოგიერთებს, რომ ეს არ მოხდებოდა?
სულაც არაა საჭირო გრძელი არზების წერა იმის ასახსნელად, რომ მიდის დაუნდობელი გეოპოლიტიკური ბრძოლა და მოსკოვის ეს განცხადებაც ამის გამოძახილია. ამას გაიგებს ნებისმიერი აზროვნების უნარის მქონე ადამიანი“, – წერს ფეისბუქის პირად გვერდზე ზაალ ანჯაფარიძე.
ინფორმაციისთვის: რუსეთის საგარეო უწყების პრესპიკერი მიანიშნებს, რომ საქართველოს მცდელობას გაწევრიანდეს ევროკავშირში, რუსეთი რეაგირების გარეშე არ დატოვებს.
“ევროკავშირში გაწევრიანებით საქართველო დაკარგავს რუსეთთან პრეფერენციულ ვაჭრობას, რომელიც საქართველოსათვის ერთ-ერთი უმნიშვნელოვანესი ბაზარია“, – განაცხადა მარია ზახაროვამ.
