ამ ბოლო პერიოდში, სხვადასხვა ღონისძიებაზე, საზოგადოების წინაშე წარდგნენ ბერა და ცოტნე ივანიშვილები, რასაც საზოგადოებაში არაერთგვაროვანი შეფასებები მოჰყვა. ამასთან დაკავშირებით “ქართული ოცნების” საპატიო თავმჯდომარე ბიძინა ივანიშვილთან დაკავშირებით კონკრეტული შეფასებები და შეკითხვები აქვს ჟურნალისტ ვახო სანაიას:
“ივანიშვილს მეტისმეტად მძიმე, არაპროგნოზირებადი და სახიფათო მდგომარეობა აქვს. გნებავთ ქვეყნის გარეთ, გნებავთ შიგნით. მას ამა თუ იმ ფორმით პასუხისგება მოუწევს ჩადენილ დანაშაულებზე. ეს დანაშაულები კი ჩადენილია პოლიტიკურ-ფინანსურ-კრიმინალურ სივრცეებში, რომელსაც მთლიანად თავად აკონტროლებს. ბოლო პერიოდში ამავე სივრცეებში შვილები შეჰყავს.
ასეთი შეკითხვა მაქვს – რატომ დგამს ამ ნაბიჯს? რატომ აყენებს შვილებს პასუხისგების რისკის ქვეშ? ეს ხომ რაღაც ფორმით ფაქტობრივად პასუხისმგებლობის განაწილებას გამოიწვევს. რა არის ამის მიზეზი? ამ ყაიდის მმართველები ძირითადად დიქტატურის ბოლომდე ჩაბეტონების შემდეგ ააქტიურებენ შვილების თემას, ივანიშვილი კი ვერ ახერხებს ჩაბეტონებას და აქვს ძალიან სახიფათო მდგომარეობა, რაც მისთვის შესაძლოა, კატასტროფული შედეგით დასრულდეს.
თუ გავითვალისწინებთ კიდევ ერთ გარემოებას, რომ, როგორც ამბობენ, მინიმუმ ას წლამდე ცხოვრებას უმიზნებს, რაში დასჭირდა შვილების გააქტიურება?
რას ფიქრობთ?” – წერს ვახო სანაია სოციალურ ქსელში.
