პარლამენტის ყოფილი დეპუტატი, ეკონომისტი რომან გოცირიძე კრიპტოსაწარმოების ბიზნესს ეწინააღმდეგება და კონკრეტულ განმარტებებთან ერთად რჩევასაც სთავაზობს ხელისუფლებას:
“ქვეყნის ეკონომიკის დიდი პრობლემაა თავისუფალი ინდუსტრიული ზონების არსებობა იმ ფორმით, რა ფორმითაც დღესაა მოწყობილი.
პირველ რიგში სასწრაფოდ უნდა აიკრძალოს ამ ტერიტორიაზე ახალი კრიპტოსაწარმოების გახსნა, რომლებიც სოკოებივით მომრავლდნენ. უკვე არსებულებს პირდაპირ ვერ გააუქმებ, ამიტომ მათთვის ელექტროენერგიას ისეთი ფასი უნდა დაედოს, რომ წამგებიანი გახდეს მათი საქმიანობა და გავიდნენ.
ეს პარაზიტი ენერგოვამპირები ანგრევენ ენერგეტიკულ სექტორს და მთავარ როლს თამაშობენ ტარიფების ზრდაში“, – წერს რომან გოცირიძე ფეისბუქის პირად გვერდზე.
