“ძლიერი საქართველო – ლელოს” ლიდერთა სათათბირო მიიჩნევს, რომ აუცილებელია გადაილახოს ურთიერთდაპირისპირების – ურთიერთგანადგურების დამანგრეველი ლოგიკა და დაიწყოს მოლაპარაკებები” – პარტიის საგანგებო განცხადება

“ძლიერი საქართველო – ლელო” პოლიტიკურ განცხადებას ავრცელებს:

“ძლიერი საქართველო – ლელოს” პოლიტსაბჭომ, საკრებულოების წევრებთან და პარტიის რეგიონული ორგანიზაციების ხელმძღვანელებთან ერთად, ქვეყანაში შექმნილი პოლიტიკური კრიზისიდან გამოსავლის გზებსა და პარტიის სამოქმედო სტრატეგიაზე იმსჯელეს.

ლიდერთა სათათბიროს შეხვედრას, “ძლიერი საქართველო – ლელოს” 150 ადგილობრივი და რეგიონული ლიდერი დაესწრო.

ლიდერთა სათათბირომ საგანგებო განცხადება ერთხმად მიიღო.

“ძლიერი საქართველო – ლელოს” ლიდერთა სათათბირო მიიჩნევს, რომ
აუცილებელია გადაილახოს ურთიერთდაპირისპირების – ურთიერთგანადგურების დამანგრეველი ლოგიკა და დაიწყოს პასუხისმგებლობიანი პოლიტიკური მოლაპარაკებები “ქართულ ოცნებასა” და იმ ოპოზიციურ პარტიებს შორის, რომლებმაც 2024 წლის საპარლამენტო არჩევნებში საქართველოს მოსახლეობის უმრავლესობის მხარდაჭერა მოიპოვეს“, – ნათქვამია გავრცელებულ განცხადებაში.