„პატრიოტთა ალიანსის“ გენერალური მდივანი ირმა ინაშვილი სოციალურ ქსელში „ქართული ოცნების“ საყურადღებოდ წერს, რომ თუ საკონსტიტუციო ცვლილებებს მხარს არ დაუჭერენ ოპოზიციის გარკვეული სპექტრის წარმომადგენლები, ამას მნიშვნელობა მაინც არ ექნება, რადგან ხმების საჭირო რაოდენობა კანონპროექტის მისაღებად უკვე აქვთ:
“ქართული ოცნების” საყურადღებოდ ვწერ: საკონსტიტუციო ცვლილებებს უკვე აქვს საპარლამენტო ოპოზიციის მხარდაჭერა, ჩვენი-პატრიოტების და დამოუკიდებელი დეპუტატების, რომლებიც დღეს, ასევე, ოპოზიციას წარმოადგენენ პარლამენტში. მეტს გეტყვით, 7-8- ხმით მეტი გვაქვს, ვიდრე საჭიროა კანონპროექტის მისაღებად! საკონსტიტუციო ცვლილებებს არ ექნება ოპოზიციის ნაწილის მხარდაჭერა და ეს ვერაფერს ვერ შეცვლის, თუ თქვენ არა გაქვთ ჩაფიქრებული საკონსტიტუციო ცვლილებების ჩაგდება!“ – წერს ფეისბუქის პირად გვერდზე ირმა ინაშვილი.
ავტორი
თამთა ასლანიშვილი
