“დიქტატურის შემდეგი ნაბიჯები უახლოეს თვეებში ყველა დამოუკიდებელი პლატფორმის გაუქმებაა…” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი მძიმე ვარაუდებს გამოთქვამს და პუნქტებად ახდენს ჩამოთვლას, თუ სად რა სახის პრობლემები შეიქმნება:

“დიქტატურის შემდეგი ნაბიჯები უახლოეს თვეებში ყველა დამოუკიდებელი პლატფორმის გაუქმებაა, კერძოდ:

1. არასამთავრობოების ბოლომდე კრიმინალიზაცია, მათი ხელმძღვანელების და თანამშრომლების დაჭერა;
2. არაკონტროლირებადი ტელეარხების მოხურვა და გაჩუმება;
3. ადვოკატურის დამოუკიდებელი ინსტიტუციის გაუქმება;
4. ბევრი ბიზნესის დახურვა ან მიტაცება;
5. თავისუფალი უნივერსიტეტების დახურვა;
6. ადამიანის უფლებათა ევროპული კონვენციის მოქმედების შეჩერება.

ძალიან ბევრი ადამიანი რომელიც დღეს დახურვა გაუქმებაზე წუხს, თავის დროზე სრულიად გულგრილად უყურებდა ტელევიზია პიკ-ის, ამერიკული ტექნოლოგიური უნივერსიტეტის, ამერიკელი მასწავლებლების პროგრამის დახურვას, სამხედრო წარმოების მოკვლას, ქუთაისში პარლამენტის განადგურების, ანაკლიის გავერანების პროცესს, ლაზიკას პროექტის დახურვას და ახლა ჯიუტად ამტკიცებენ, ეს ყველაფერი ამ ბოლო დროს ხდებაო მხოლოდ.

მაშინ ჩუმად იმიტომ იყვნენ, ეგონათ მათ არ შეეხებოდათ. ვინც ახლა არ წუხს, ფიქრობს რომ ხვალ მათ არ შეეხებათ, სინამდვილეში ყველას შეეხება, სანამ შევახებინებთ“, – აცხადებს მიხეილ სააკაშვილი.