ყოფილი პრემიერ-მინისტრის, ირაკლი ღარიბაშვილთან მიმართებაში სამართალდამცავების მხრიდან მიღებულ გადაწყვეტილებას მძიმე შეფასებებით, კონკრეტული მინიშნებებით და ირონიული “ბოლოსიტყვაობით”, სოციალურ ქსელში, ეხმაურება ანალიტიკოსი ლელა ჯეჯელავა:
“საპატიმრო გირაოც არ შეუფარდეს😊 არ ხართ თქვენ ის ხალხი ღარიბაშვილს და ფარცხალაძეს რომ დაიჭერს (ვინ დაგაჭერინებთ რო), თქვენ ის ხალხი ხართ 73 წლის დევნილ ქალბატონს, ხანდაზმულ შშმ პირს, სტუდენტ გოგო-ბიჭებს და მასწავლებლებს რომ იჭერს.
მთელი თქვენი სიმამაცის აპოთეოზი ჟურნალისტების დაჭერაა.
მორჩა კინო კორუფციაზე, ისევ მამული, ენა, სარწმუნოებაზე გაუშვით კინო! უფრო ყურებადია!😊“, – აცხადებს ლელა ჯეჯელავა.
ინფორმაციისთვის: ირაკლი ღარიბაშვილს, პროკურატურის მოთხოვნის თანახმად, სასამართლომ გირაოდ 1 მილიონი ლარი დააკისრა, რაც 30 დღის ვადაში უნდა გადაიხადოს და ამ პერიოდის განმავლობაში იგი არ იქნება პატიმრობაში. სასამართლოს გადაწყვეტილებით ყოფილ პრემიერს ჩამოერთვა პასპორტი და აეკრძალა ქვეყნიდან გასვლა.
