სტატეგია „აღმაშენებლის“ გუნდმა ქართველი პოლიტიკოსების აქტივობის რეიტინგები, რამდენიმე კრიტერიუმზე დაყრდნობით, სოციალურ ქსელთან მიმართებაში შეაფასა. კვლევისა და ანალიზის საფუძველზე აღმოჩნდა, რომ ოპოზიციონერი ლიდერის გიორგი ვაშაძის რეიტინგი სამჯერ უსწრებს ხელისუფლების წარმომადგენლების რეიტინგებს, მაგალითად პრემიერ-მინისტრის გიორგი გახარიასა და დედაქალაქის მერის კახა კალაძის სოციალურ ქსელში აქტივობებს. როგორც სტრატეგია „აღმაშენებლის“ გუნდი აღნიშნავს, რეიტინგების გადამოწმება ფეისბუქ გვერდების მფლობელებს ძალიან მარტივად შეუძლიათ:
“სტრატეგია „აღმაშენებელის“ გუნდმა სოციალურ ქსელში, რამდენიმე კრიტერიუმზე დაყრდნობით, ქართველ პოლიტიკოსთა გვერდების რეიტინგები და ამ გვერდებზე მომხმარებელთა ჩართულობის შედეგები შეაფასა. კვლევის შედეგად ნათლად გამოჩნდა, რომ პოლიტიკურ ლიდერებს შორის ყველაზე აქტიური და სოც ქსელების მომხმარებლებისთვის ყველაზე საინტერესო „ახალი საქართველოს“ ლიდერი გიორგი ვაშაძეა. აღმოჩნდა, რომ ოპოზიციონერ ლიდერს სოციალურ ქსელში ყველაზე უფრო აქტიური და სხვა ქართველ პოლიტიკოსებთან შედარებით მეტი რეიტინგი აქვს.
რეიტინგების გადამოწმება ფეისბუქ გვერდების მფლობელებს მარტივად შეუძლიათ, თუმცა გაცილებით უფრო მნიშვნელოვანია სოციალური ქსელის ჩართულობის (Engagement) კომპონენტი, რომელიც მოიცავს აუდიტორიის ნებისმიერ აქტივობას კონკრეტული გვერდის პოსტებზე – “ლაიქებს”, კომენტარებს, გაზიარებებს, ბმულზე გადასვლას და ა.შ. რაც კარგად ასახავს საზოგადოების ინტერესს კონკრეტული პოლიტიკოსებისა და მათი ოფიციალური გვერდების მიმართ.
მოქალაქეთა ინტერესისა და ჩართულობის მიხედვით გიორგი ვაშაძე 3-ჯერ უსწრებს, მაგალითისთვის, გიორგი გახარიასა და კახა კალაძეს,” – ნათქვამია სტრატეგია “აღმაშენებლის” გუნდის მიერ გავრცელებულ ინფორმაციაში.
ავტორი
თამთა ასლანიშვილი
