“ლეგიტიმაცია კი არა, უფრო უარესი არ აქვს “ქართულ ოცნებას” – ეს არის პრესტიჟი” – არჩილ გამზარდია

ანალიტიკოსი, ჟურნალისტი, ლექტორი არჩილ გამზარდია კონკრერტულ შეფასება-განმარტებებს აკეთებს “ქართულ ოცნებასთან” დაკავშირებით:

“ლეგიტიმაცია კი არა, უფრო უარესი არ აქვს “ქართულ ოცნებას” – ეს არის პრესტიჟი.

პრესტიჟი არ აქვს ხელისუფლებას არც ქვეყნის შიგნით, არც ქვეყნის გარეთ, მათ შორის, თავის მომხრეებშიც კი არ აქვს პრესტიჟი და არც იმ ქვეყნების ლიდერებში, ვინც “ქართულ ოცნებასთან” ურთიერთობს.

ვინც ხელისუფლების და ძალაუფლების თეორიებში მცირედად მაინც ერკვევა, მან იცის რომ პრესტიჟის უქონლობა უფრო მძიმე ფაქტორია მმართველისათვის, ვიდრე სადაო ლეგიტიმაცია, რომელსაც მრავალფეროვან მსოფლიოში სხვა და სხვაგვარად ზომავენ.

ოღონდ, ყველაზე დიდი წვლილი პრესტიჟის უქონლობაში თავად ხელისუფლებას მიუძღვის და მხოლოდ შემდეგ მის მოწინააღმდეგეს“, – აღნიშნავს არჩილ გამზარდია.