თბილისის მერია დედაქალაქში შექმნილი ცალკეული პრობლემების თაობაზე განცხადებას ავრცელებს:
“ძლიერი ქარის გამო დედაქალაქში გარკვეული სახის პრობლემები შეიქმნა.
კერძოდ, რამდენიმე რაიონში, განსაკუთრებით ვაკის, საბურთალოს, დიდუბის, გლდანისა და სამგორის რაიონებში დაფიქსირდა ხის წაქცევის, ასევე ხის ტოტების მტვრევის ფაქტები.
თბილისის რაიონების გამგეობებისა და „ეკოსერვის ჯგუფის“ წარმომადგენლები ადგილზე იმყოფებიან და სალიკვიდაციო სამუშაოებს ახორციელებენ. ასევე, მობილიზებულია მუნიციპალიტეტის შესაბამისი სამსახურები.
უამინდობის გამო შექმნილი პრობლემის არსებობის შემთხვევაში, შეგიძლიათ დარეკოთ თბილისის მერიის ცხელ ხაზზე – 2 72 22 22“, – ნათქვამია გავრცელებულ განცხადებაში.
კომენტარები - დატოვეთ თქვენი მოსაზრება
