თბილისის მერის, კახა კალაძის სარეკლამო ვიდეოსთან დაკავშირებით საუბრობს და კონკრეტულ მძიმე მინიშნებებს აკეთებს “ნაციონალური მოძრაობის” ერთ-ერთი ლიდერი, ხატია დეკანოიძე:
“კალაძის დასპონსორებული ვიდეო ვრცელდება წალენჯიხიდან.
გარუჯული, მისონის სამასევროიანი საცურაო შორტით. გრილდება მდინარეში, სადაც ადგილობრივებს გაგრილების კი არა, გავლის დროც არ აქვთ. გლეხები რომ საქონელს მიერეკებიან და ამ სიცხეში, გულგასიებული ფიქრობენ შვილების ბინის ქირაზე სექტემბრიდან.
ჭრის სულგუნს ლამაზ მეგრულ ეზოში. ეზოს ღობესთან ძვირიანი ჯიპები და კვადროციკლები დგას.
ელარჯს ვინც აკეთებს, იმ კაცს სევდიანი, ნაძალადევად ბედნიერი სახე აქვს. კამერა აიძულებს რამე თქვას.
სულგუნს დიდი ხედით გვაჩვენებს, და საკუთარ, ფილერით გადავსებულ სახეს.
ჯიპები, დაცვა, ვიდეო, ამალა – ყველაფერი ბიუჯეტის ხარჯზე. ხალხი იხდის. ფუფუნება ღატაკ ქვეყანაში, სადაც გადარჩენისთვის ბრძოლა ყოველდღიურობაა.
სად არის მსგავსი საქართველო? ვისთვის ამზადებს ამ ვიდეოებს?” – წერს ხატია დეკანოიძე ფეისბუქის პირად გვერდზე.
