“ამ ოპოზიციას ერთმანეთის აუტანლობა რომ არ ჰქონდეს, რა პრობლემაა სხვადასხვა სტრატეგიით რაიმეს მცდელობა” – არჩილ გამზარდია

არჩილ გამზარდიას მოსაზრებები, შეფასებები, განმარტებები ოპოზიციასთან მიმართებაში:

“ამ ოპოზიციას ერთმანეთის აუტანლობა რომ არ ჰქონდეს, რა პრობლემაა სხვადასხვა სტრატეგიით რაიმეს მცდელობა – 13 სექტემბრის აქცია იქნება, 4 ოქტომბრის თუ სულაც არჩევნებში მონაწილეობა, თუ კი ვინმე რაიმე შედეგობრივ პერსპექტივას ხედავს რომელიმე მათგანში, მაგრამ აქ პრობლემა ურთიერთგანსხვავებულობა კი არაა ანდაც წარუმატებლობის რისკი, არამედ ინტერპერსონალური სიძულვილია, ეს ამოქმედებს თითოეულ მათგანს ერთმანეთის წინააღმდეგ და ჯიბრსა და შეჯიბრებითობას ერთმანეთში არევინებს.

ამიტომაც მგონია თითოეული მათგანი წარუმატებლობისათვის განწირული ამ ეტაპზე.

ნომინალურად მაინც ეცით პატივი ერთმანეთს, წარმატებები უსურვეთ, ამის ფონზე თუნდაც აკრიტიკეთ ერთმანეთი და საკუთარს მიაწექით, მაგრამ სადაც შეგიძლიათ, ერთმანეთსაც შეეშველეთ – სამწუხაროდ, სწორედ ეს არ შეგიძლიათ, არა და საკვანძოც სწორედ ესაა“, – წერს არჩილ გამზარდია ფეისბუქის პირად გვერდზე.