შპს „თბილსერვის ჯგუფი“ დედაქალაქში გზების მორეცხვას ყოველდღიურ რეჟიმში განაგრძობს. გზის სავალი ნაწილი, კონტეინერები და გაჩერებები ამჯერად გლდანის რაიონში, ვეკუასა და ხიზანიშვილის ქუჩებზე მოირეცხა. ასევე, მოირეცხა მეტროსადგურ „ახმეტელის თეატრის“ მიწისქვეშა გადასასვლელის ჩასასვლელები.
ადგილზე იმყოფებოდნენ „თბილსერვის ჯგუფის“ დირექტორი გიორგი პაპავა, გლდანის რაიონის გამგებელი ბესიკ კალაძე და თბილისის საკრებულოს გლდანის რაიონის მაჟორიტარი დეპუტატი კონსტანტინე ზარნაძე.
„ჩვენი თანამშრომლები 24 საათის განმავლობაში ზრუნავენ დედაქალაქის სისუფთავეზე. თბილისის მასშტაბით ყოველდღიურად ირეცხება გზები, ურნები, მიწისქვეშა გადასასვლელები და მუნიციპალური ტრანსპორტის გაჩერებები, იმისათვის, რომ ქალაქის ქუჩები კიდევ უფრო სუფთა და მოწესრიგებული იყოს“, – აღნიშნა გიორგი პაპავამ.
მორეცხვის სამუშაოები თბილისის ათივე რაიონში, პერმანენტულად, გრაფიკის მიხედვით სრულდება.
ინფორმაციას თბილისის მერიის პრესცენტრი ავრცელებს
