“2017 წელს კონსტიტუციაშიც კი შევიტანეთ შესწორება და დავაკონკრეტეთ – რა არის ქორწინება, რომ ეს არის ქალისა და კაცის ერთობა” – თენგიზ შარმანაშვილი

დეპუტატი თენგიზ შარმანაშვილი ერთსქესიანთა ქორწინების დაკანონების თაობაზე კონკრეტული შეკითხვებით მიმართავს ოპოზიციას:

“2017 წელს კონსტიტუციაშიც კი შევიტანეთ შესწორება და დავაკონკრეტეთ – რა არის ქორწინება, რომ ეს არის ქალისა და კაცის ერთობა. მაშინ გახსოვთ ე.წ. ჩვენი ოპოზიციის, სინამდვილეში ულტრარადიკალური ოპოზიციის, ნარატივები? ისინი ამბობდნენ, რომ ეს გამოგონილი თემებია, არავინ არავის არაფერს სთხოვს, მათ თავისი პოლიტიკური ბენეფიტების მიღების მიზნით მოიგონეს ეს თემაო. ყალბი აღმოჩნდა?

გამოვიდეს ყველა, თუ არიან ასეთი ვაჟკაცები, პირდაპირები და თავისი ღირებულებების დამცველები, თქვან, რომ არ ვეთანხმებით ხელისუფლებას, ჩვენ მომხრე ვართ, კონსტიტუციაში შევიდეს ცვლილება და ერთსქესიანთა ქორწინება დაკანონდეს კონსტიტუციურად. თქვან, რატომ ვერ ეუბნებიან საქართველოს მოსახლეობას ამას? იმიტომ, რომ ატყუებენ – ეუბნებიან, რომ ეს პრობლემა არ არსებობს. აგერ დამტკიცდა, რომ არსებობს“, – აცხადებს თენგიზ შარმანაშვილი.