ანალიტიკოსის, პოლიტიკის ექსპერტის გია ჯაფარიძის მწვავე შეფასებები ხელისუფლების მიმართ და კონკრეტული შეთავაზებები ოპოზიციისადმი:
“პიროვნების კულტი არის, ერთპარტიულ დიქტატურას დაუფარავად აყალიბებენ, ახალი პითეკანტროპი “ქოცის” სახით გამოჰყავთ, მტრის ხატი შექმნილი აქვთ, პარტიული წმენდაც დაიწყეს, მედიას აკონტროლებენ და ფაშისტური პროპაგანდა 24 საათი მუშაობს, ისტორიის გადაწერით დაკავებული არიან. ეს არაა უბრალოდ ავტორიტარიზმი, ტოტალიტარიზმის მახასიათებელი ბევრი ნიშანი უკვე ადგილზეა.
როცა ამ ტიპის ავტორიტარიზმს ებრძვი, რომელსაც თან ეხმარებიან სხვა ავტორიტარული რეჟიმები, მე მგონია, რომ მარტო შინაარსში ერთიანობა არ არის საკმარისი წარმატებისთვის. ფორმაში ერთიანობაც ისეთივე მნიშვნელოვანია, გადამწყვეტად მნიშვნელოვანი, როგორც შინაარსში ერთიანობა. ეს უნდა დაწყებულიყო ერთიანი სიით. ერთიანი სია ნიშნავდა რესურსების გაერთიანებას, ერთიან კომუნიკაციას შინ და გარეთ, ალტერნატივის მკვეთრად გამოკვეთას და მანევრირების ნაკლები სივრცის დატოვებას რეჟიმისთვის. სჯობს გვიან, ვიდრე არასდროს.
პროტესტს აქვს შედეგი. მეტი შედეგისთვის შინაარსსა და ფორმაში ერთიანობა უალტერნატივო მგონია. უფრო მალე მოვიგებთ“, – წერს გია ჯაფარიძე ფეისბუქის პირად გვერდზე.
