ბიძინა ივანიშვილისა და “ქართუ” ბანკის ქველმოქმედების შესახებ საუბრობს მთავრობის მეთაური გიორგი გახარია:
“ეს თანხები, რა თქმა უნდა, გამოყენებული იქნება, პირველ რიგში, ჩვენი მოქალაქეების ინტერესებისთვის და “Covid 19”-ის წინააღმდეგ საბრძოლველად. რა თქმა უნდა, ჩვენ როცა “Covid 19”-ზე ვსაუბრობთ, უნდა გვესმოდეს, ორ ფრონტზე ვიბრძვით – ჯანმრთელობის და ეკონომიკის ფრონტზე და ყველა ეს რესურსი, რომელიც იქნება მობილიზებული მოხმარდება ამ მიზნის მიღწევას.
ჩვენ უნდა გვესმოდეს ერთი რამ, რომ საერთოდ “ქართუ” და ბიძინა ივანიშვილი წლებია უკვე მილიარდობით ქველმოქმედებას ეწევა, ამ ქვეყანაში და ეს კიდევ ერთი დამადასტურებელი ფაქტია ჩემთვის, როგორც მთავრობის მეთაურისთვის, რომ ჩვენ ქვეყანაში გვყავს უნიკალური დაზღვევა, ადამიანის სახით, საქართველოს მოქალაქის სახით, რომელიც იქ სადაც ქვეყანას სისტემური ჩავარდნა აქვს, სადაც სისტემურად გვჭირდება დახმარება, ეს ადამიანი და ეს ფონდი გვეხმარება ყველგან, იქ სადაც სახელმწიფოს უჭირს და ეს არის უაღრესად დასაფასებელი.
დღეს საზოგადოება ხედავს, როგორ მუშაობს ეს დაზღვევა რეალურ ცხოვრებაში და არა პოლიტიკური კეკლუცობის ნაწილში,” – განაცხადა გიორგი გახარიამ.