ე.წ. “ბიტკოინების საქმეზე” სასამართლოს მიერ გამოცხადებულ გადაწყვეტილებასთან დაკავშირებით შეფასება-განმარტებები გააკეთა პოლიტიკის მეცნიერების დოქტორმა, მოძრაობა “ერთიანი ნეიტრალური საქართველოს” დამფუძნებელმა წევრმა, ანალიტიკოსმა ლევან ნიკოლეიშვილმა:
“ის, ფაქტი, რომ საქალაქო სასამართლომ ბიძინა ივანიშვილის სარჩელი სრულად დააკმაყოფილა, გიორგი ბაჩიაშვილს 9000-მდე ბიტკოინის დაბრუნება დაევალა, სულაც არ არის გასაკვირი, ასეც უნდა ყოფილიყო – თაღლითს უთხრეს ფული უნდა დააბრუნოო.
აქ საინტერესო ის არის, რომ ბატონი ბაჩიაშვილი, თავის “სიმართლეში” ოპოზიციური არხებიდან რომ გვარწმუნებდა, თან რუსთაველზე მიმდინარე აქციების ფონზე, მაგრამ საქმე საქმეზე, რომ მიდგა შარშანდელი თოვლივით გაიპარა და ქვეყანა დატოვა.
იცოდა, რომ დამნაშავე იყო, ამიტომაც იბრიქებოდა, ჩაგრულის მანტია მოგდებული დროს წელავდა, ამავე დროს ისიც იცოდა ადრე თუ გვიან სამართალი მასაც მიადგებოდა, აქეთ ოპოზიციას იქით მომიტინგეებს თავს აწონებდა თქვენს გვერდით ვარო, მაგრამ გაქრა, აორთქლდა, საკითხავია როდემდის?“, – წერს ფეისბუქის პირად გვერდზე ლევან ნიკოლეიშვილი.
ინფორმაციისთვის: თბილისის საქალაქო სასამართლოში, მოსამართლე ზაალ მარუაშვილმა გადაწყვეტილება გამოაცხადა, რომლის თანახმადაც სრულად იქნა დაკმაყოფილებული “ქართული ოცნების” საპატიო თავმჯდომარის, ბიძინა ივანიშვილის სამოქალაქო სარჩელი და “თანავინსტერების ფონდის” ყოფილ ხელმძღვანელს, გიორგი ბაჩიაშვილს 9 ათასამდე ბიტკოინის დაბრუნება დაევალა.
