საპროტესტო აქციებზე დაკავებულების სასამართლო პროცესი გაიმართა. პროცესზე სიტყვით გამოსვლისას მსახიობმა ანდრო ჭიჭინაძემ ისაუბრა პრემიერ-მინისტრ, ირაკლი კობახიძის განცხადებაზე:
,,ძაან დიდი იმედი მაქვს, ჩვენ ყველას გვინდა, რომ სამართლებრივ სახელმწიფოში ვცხოვრობდეთ. ვინმეს რამე პასუხისმგებლობა თუ ეკისრება უნდა გადაწყვიტოს სასამართლომ. მე მგონი ამ ყველაფერზე ვთანხმდებით, ახლა რატომ ვიძახი ამ ყველაფერს:
დაახლოებით ერთი კვირის წინ, პრემიერ-მინისტრმა, პირდაპირ დაგვადანაშაულა ჩვენ იმაში, რასაც პროკურატურა გვედავება ანუ პირდაპირ განაცხადა, რომ დამნაშავეები ვართ, რითიც, დაარღვია უდანაშაულობის პრეზუმფცია, წინასწარ მოგვისაჯა და მერე დაიწყო ლაპარაკი რაღაც ჰუმანურობაზე. პირდაპირ შემიძლია ვთქვა, რომ მე არავის ჰუმანურობა არ მჭირდება და თუ რამე პასუხისმგებლობა არის საჭირო, რომ დამეკისროს ეს უნდა გადაწყვიტოს სასამართლომ – ეს ერთი.
მეორე – როდესაც ადამიანს შეუძლია, რომ პატიმარ ქალს ცილისწამებითა და ტყუილით შეეხოს, როცა შეუძლია, რომ პატიმრის ოჯახზე ილაპარაკოს ისე, როგორც ილაპარაკეს, ეს არის არაკაცობა და მეტი არაფერი.
მე აბსოლუტურად ყველაფერზე პასუხისმგებელი ვარ, რასაც ვამბობ და რასაც ვაკეთებ და არავითარი ჰუმანურობა არ მჭირდება, კიდევ ერთხელ ვიმეორებ.
და კიდევ ერთი რამე – ეს უკვე სხვებს ეხებათ და მიმხვედრი მიხვდება: სანამ რაღაცას დააბრეხვებთ და ცდით, უნდა იცოდეთ, ვისთან ცდით და ვისთან ბედავთ“, – განაცხადა ანდრო ჭიჭინაძემ.
ავტორი
მარიამ ხაჩირაშვილი
