გავრცელებული ინფორმაციით, ჩეხეთი სრულიად დამოუკიდებელი გახდა რუსული ნავთობის მომარაგებისგან. აღნიშნულ ფაქტს კონკრეტული ფაქტებით და შეფასება-შედარებებით ეხმიანება, “ნაციონალური მოძრაობის” პოლიტიკური მდივანი, გია ბარამიძე:
“თავისუფლება უფასოდ, უწვალებლად, უშრომველად და უბრძოლველად არ მოდის.
მუქთა და ადვილი ცხოვრება, ცხოველებსაც აქვთ, ოღონდ ზოოპარკში გამომწყვდეულებს. 🙂
ნებისმიერმა ერმა უნდა აირჩიოს, – რა უნდა?
უნდა რომ “პატრონზე” იყოს დამოკიდებული და მიბმული, მაგრამ საკვები, რესურსი და სხვა, ცხოველური თუ ყოფითი კომფორტი უზრუნველყოფილი ქონდეს, თუ იყოს თავისუფალი და ამისთვის თავი შეიწუხოს, იშრომოს და მისი თავისუფლებისთვის, იბრძოლოს კიდეც⁉️
ეს დილემა ისტორიულად იდგა და დგას ნებისმიერი ადამიანისა, თუ ერის წინაშე.
გადარჩება, თავის იდენტობასა და თვითმყოფადობას, ღირსებასთან ერთად შეინარჩუნებენ, მხოლოდ ის ერები, ვინც ამისათვის ბრძოლას თავს არ აარიდებენ.
ვინც წინასწარ აცხადებს კაპიტულაციას, ამბობს რომ სამშობლოს დასაცავად არ იომებს და არ შეიწუხებს თავს, ის განწირულია მონობისა და გადაშენებისათვის.
თავისუფლებისთვის ბრძოლა ბადებს გმირებს, როგორიც ქართველებს მრავლად გვყავს – ცხრა ძმა ხერხეულიძე, სამასი არაგველი, აბო თბილელი თუ გიორგი ანწუხელიძე….!
ისინი არც დავით აღმაშენებლის, არც ერეკლეს თუ არც პრეზიდენტ სააკაშვილის პირად ინტერესს, მით უფრო “პიარს” არ შეეწირნენ. მათ თავი საქართველოს არსებობისა და თავისუფლებისთვის გაწირეს.
მტერი მუდამ ცდილობდა და ცდილობს მათი გმირობის დაკნინებასა და გაბაიბურებას.
ამის უფლება ერმა არ უნდა მისცეს!
მჯერა, ჩვენ, ქართველები ამ ეპოქაშიც ვიქნებით მოწოდების სიმაღლეზე და ღირსებით დავიცავთ ჩვენს სამშობლოსა და ჩვენს თავისუფლებას.
ყოჩაღ ჩეხებს, რომ კომფორტსა და ადვილ შემოსავალს, მეტი თავისუფლება არჩიეს.
🇬🇪🇪🇺🇺🇦🇺🇸✊✌️“, – წერს გია ბარამიძე ფეისბუქის პირად გვერდზე.
