“ის, ვინც ახლა ვითომ კეკლუცობს და ამბობს არ მივიღებთ არჩევნებში მონაწილეობასო, არ არის საბოლოო გადაწყვეტილება” – ირაკლი ზარქუა

პარლამენტის დეპუტატი, ირაკლი ზარქუა ჟურნალისტებთან გაკეთებულ კომენტარში თვითმმართველობის არჩევნებში მონაწილეობაზე პარტიების გაურკვეველ პოზიციაზე საუბრობს და აცხადებს, რომ გადაწყვეტილებას პარტიები პატრონების დავალების შესაბამისად მიიღებენ:

,,ბუნებრივია, ჯერ თამამად ვერცერთი ვერ ამბობს გადაწყვეტილებას. ის, ვინც ახლა ვითომ კეკლუცობს და ამბობს არ მივიღებთო, არ არის საბოლოო გადაწყვეტილება.

ზუსტად იგივე მიდგომა ჰქონდათ პარლამენტში არ შემოვალთო – შემოგრიალდნენ 2020-ში, ძლივს გავაგდეთ მერე პარლამენტიდან.

ასე, რომ მათ სიტყვას ფასი არ აქვს.

მე გეტყვით რეალობა რა არის – როდესაც უახლოეს პერიოდში მათი პატრონებისგან მიიღებენ დაკვეთას, რომ უნდა მიიღოთ მონაწილეობაო, ყველა დაეწყობიან და მიიღებენ მონაწილეობას. თუ არ იქნა ასეთი ბრძანება გაცემული მათი პატრონებისგან, მაშინ თავს შეიკავებენ”, – განაცხადა ირაკლი ზარქუამ.

ავტორი
მარიამ ხაჩირაშვილი