სწრაფ ტესტებთან დაკავშირებით დასმულ შეკითხვაზე საკმაოდ ემოციური პასუხი გასცა დაავადებათა კონტროლისა და საზოგადოებრივი ჯანდაცვის ცენტრის დირექტორის მოადგილემ პაატა იმნაძემ და მიაჩნია, რომ მის მიმართაც უსაფუძვლო პრეტენზიებია. ამასთან ფიქრობს, რომ მოსახლეობა დაიღალა ერთი და იგივე შეკითხვებით:
„მე როცა ვამბობდი, რომ ჯერ თავი შევიკავოთ მეთქი – რატომ არ არისო, რატომ არ არისო? მერე ვთქვი, რომ – აი ბატონო არის-თქო – რატომ არისო?! რა ვქნა, ახლა – „ჭრელო პეპელა ნურც გაფრინდები, ნურც მოფრინდებიო“?! ვამბობ და ვიძახი, ველოდებით ხარისხიან სწრაფ ტესტებს. დღეს ვაკეთებთ იმით, რაც არის “ოქროს სტანდარტი”. იმას ვაკეთებთ სწრაფად, რასაც სხვა ქვეყნებში დღეები სჭირდება და ახლა „ჭრელო პეპლა“ არ ვარ. იცით რა, ხალხი არის დაძაბული და კიდევ დიდი ხანი ვიცხოვრებთ ასეთ რეჟიმში.
ერთი და იგივე კითხვები ძაბავს მოსახლეობის ფსიქიკას კიდევ უფრო. ჩვენ, ისედაც ყველა ვართ საკმაოდ დაძაბულ, სტრესულ სიტუაციაში. ამიტომ, ძალიან ვთხოვ სულყველას, რომ მე მგონი, მოსახლეობასაც მობეზრდა ჩემი კომენტარები. მე მრცხვენია ხოლმე, რომ ერთი და იგივე კითხვაზე ერთი და იგივე პასუხი რამდენჯერ შეიძლება გავცე?! მოვუფრთხილდეთ რა ერთმანეთის ფსიქიკას,“ – განაცხადა პაატა იმნაძემ.
ავტორი
თამთა ასლანიშვილი
