პარლამენტის ყოფილი დეპუტატი, ხათუნა ხოფერია “ქართული ოცნების” თავმჯდომარის ბიძინა ივანიშვილის დიდ დამსახურებაზე საუბრობს და მიაჩნია, რომ დღეს თუ ქვეყანაში წარმატებულად მიმდინარეობს პროცესები, ზუსტადაც მისი დამსახურებაა:
“კუმ ფეხი გამოყო, პენალტი დამარტყმევინეთო!”… ასეა ზოგიერთების საქმე…
ზოგი ინფექციონისტი გახდა, ზოგი ფულად-საკრედიტო ექსპერტი, ზოგი ტესტოლოგი, ზოგი კრიზისების მართვის ასი და ა. შ. …
და ამ მარაზმს ფონად ახლავს ბიძინა სად არის?… ბიძინა რას აკეთებს?… ბიძინა… ბიძინა…
ამიტომ, გეტყვით სიმართლეს!
1. ვინმე ფიქრობს, რომ ის ადამიანები, ვინც რეალურ საქმეს აკეთებენ, ხალხის ნდობას და სიყვარულს იმსახურებენ, არ არიან ასოცირებული მართველ პარტიასთან და მის თავმჯდომარესთან? ანუ, ბიძინასთან?
2. ფიქრობთ, რომ საზოგადოებამ არ იცის და ვერ ხვდება, რამხელა დამსახურებაა ივანიშვილის მიმდინარე წარმატებულ პროცესებში?!
3. ფულზე არ ვაპირებ საუბარს! ახლა, მმართველი პარტიის თავჯდომარეზე ვსაუბრობ! (ისე, თუ გავხსნით ამ თემას, სხვა პარტიების თავჯდომარეებიც არ დავივიწყოთ. ოჯახს რაც შეეხება, ბერუკამ ჩაწერა თავისი სახელი და გვარი ძნელბედობის ისტორიაში. დანარჩენს დრო გვანახებს).
4. მთავარი ისაა, რომ ნომერ პირველმა პოლიტიკოსმა – ოცნების თავმჯდომარემ, რომლის უშუალო პასუხისმგებლობაა ქვეყანაში მიმდინარე პროცესები, მიიღო და დაადასტურა ყველა სწორი გადაწყვეტილება კრიზისის მართვის მიმართულებით!
ა. პროფესიონალები წინა ხაზზე.
ბ. სრული ნდობა და მხარდაჭერა სტრატეგიულ გეგმას.
გ. არანაირი პოლიტიკა!
დ. არანაირი მცდელობა პოლიტიკური დივიდენდების მოპოვების.
ე. პოლიტიკოსები კულუარებში! მათ შორის, თავად მისცა იმის მაგალითი, როგორ უნდა ემსახურო სამშობლოს დუმილით და თავშეკავებით.
ჰო და, ახლა მაინტერსებს, რა არ მოგწონთ?..
რა გინდათ? ისევ დებატები, ისევ ქულების ჩაწერა და ისევ ხალხის გაღიზიანება?…
იმ ხალხის, რომელიც დღეს გამყრელიძეცაა, ეზუგბაიაც, გახარიაც და ის დაავადებული ექიმიც, რომელიც ფსიქიური აშლილობის მქონე პაციენტის სიცოცხლეს თავისი სიცოცხლით შეეხიდა!
კარგად გამიგეთ! არ გინდათ სიტუაციის არევა…
უბრალოდ, გაყუჩდით!
ვერ ირტყმევინება კუ კაცურად პენალტს!” – წერს ფეისბუქის პირად გვერდზე ხათუნა ხოფერია.