“წულუკიანს ბევრი უკლია სტალინამდე” – ლაშა ბუღაძე

ქართველი მწერალი და დრამატურგი ლაშა ბუღაძე სოციალურ ქსელში სტატუსს აქვეყნებს, სადაც მმართველი პარტიის მიერ შექმნილ დროებით საგამოძიებო კომისიასთან დაკავშირებით ახდენს კონკრეტულ შედარება-შეფასებებს:

,,ე.წ. პარლამენტის ე.წ. კომისია იგივეა, ზინოვიევი, კამენევი, ბუხარინი და სხვა “ტროცკისტები” სტალინის საჩვენებელ სასამართლოებზე ვიშინსკის წინ რომ იძლეოდნენ პასუხებს 1936 წელს. ცხადია, წულუკიანს ბევრი უკლია სტალინამდე და არც იქ “დაბარებულებს” ვადარებ დახვრეტილ ბობოლა ბოლშევიკებს, მაგრამ რეჟიმთან ამგვარ “დიალოგს” მხოლოდ ის მიზანი აქვს, რომ ავტოკრატმა დამატებითი სალაფავი შექმნას პროპაგანდისათვის – ტიკ-ტოკზე ჭარბად ავრცელებენ ამონაჭრებს ამ “სამართლებრივი და უაქტუალურესი” პოპურიდან.

თუმცა, როგორც სხვა ყველაფერი, ქოცს ესეც არ გამოსდის ნეოსტალინური პერფექციონიზმით – სხდომების ნაწილობრივ დახურვა მოუხდათ… ნეტა რატომ? მთლად ისე არ აეწყო და არ ითქვა, როგორც ელოდნენ, არა?!”, – წერს ლაშა ბუღაძე

ავტორი
ნინი ხიჯაკაძე