საპროტესტო აქციებზე დაკავებულების სასამართლო პროცესი გაიმართა. პროცესზე სიტყვით გამოსვლისას, იუმორისტმა ონისე ცხადაძემ მოსამართლეს თხოვნით მიმართა პროცესზე ახლობლების დასწრების შესახებ:
,,ჩვენ ქვემოთ, მოსაცდელ საკანში, ყველამ ჯგუფურად-ორგანიზებულად მოვილაპარაკეთ, რომ აქ ემოციური განცხადებების გაკეთებას აღარ ვაპირებთ. მხოლოდ საქმესთან დაკავშირებით ვისაუბრებთ და შესაბამისად, ეს ემოციები, რაც წინაზე იყო, როდესაც თქვენ სასამართლო ნახევრად დახურეთ, აღარ იქნება. ამის პირობას გაძლევთ!
პირობას გაძლევთ, რომ ჩვენ ჩვენს ახლობლებს ერთი ადამიანი ადგება და ეტყვის, რომ მსგავსი რაღაც არ განმეორდეს. უბრალოდ მოგვეცით უფლება, რომ ახლობლებს შევხედოთ. აქ ჩვენ გულწრფელად გეტყვით, სამართალს მართლა არ ვეძებთ. გვიხარია, რომ ვიღაც მოვა, ჩემი მეგობარი, ჩემი ოჯახის წევრი და დავინახავ, მაგისთვის ვარ აქ მოსული, პირველ რიგში და მაგის შემდეგ ყველაფერ დანარჩენს განვიხილავთ.
ამიტომ, მოგვეცით უფლება, ძალიან გთხოვთ, რომ შევხედოთ საყვარელ ადამიანებს“, – განაცხადა ონისე ცხადაძემ.
ცნობისთვის: მოსამართლემ ნება არ დართო, რომ სასამართლო დარბაზში ბრალდებულების ახლობლები შეეშვათ.
ავტორი
მარიამ ხაჩირაშვილი
”