“მინდა პრეზიდენტის როლში ბოდიში მოვუხადო ჩვენ მეზობელ ხალხს ზოგი ჩვენი უჯიშო მოქალაქეების უმსგავსო საქციელისთვის” – სალომე ზურაბიშვილი

საქართველო-სომხეთის საფეხბურთო მატჩის შემდეგ მოედანზე განვითარებული მოვლენების გამო არასასურველი სიტუაცია შეიქმნა, რაც საზოგადოებამ მწვავედ გააკრიტიკა. თავისი პოზიცია დააფიქსირა ამასთან დაკავშირებით, ასევე, საქართველოს მე-5 პრეზიდენტმა, სალომე ზურაბიშვილმაც:

“ბოდიშის მოხდა, ზოგს არა საჭირო ადგილას და არა სწორ მიმართულებით რომ უყვართ, იმათ გასაგონად.

როგორც ჯერაც ლეგიტიმური პრეზიდენტი, მინდა პრეზიდენტის როლში ბოდიში მოვუხადო ჩვენ მეზობელ ხალხს, ზოგი ჩვენი უჯიშო მოქალაქეების უმსგავსო საქციელისთვის.

ჩვენ ვართ და ვიქნებით კეთილმეზობლურად განწყობილი სახელმწიფოები, უძველესი ქრისტიანული სარწმუნოების მატარებელი ერები და ვიცხოვრებთ მშვიდობიან ევროპულ კავკასიაში!” – წერს ფეისბუქის პირად გვერდზე სალომე ზურაბიშვილი.