გაზეთ “ქრონიკა+”-ის მთავარი რედაქტორი, ჟურნალისტი ელისო კილაძე, ფეისბუკის საკუთარ გვერდზე სტატუსს აქვეყნებს, სადაც თავის მეუღლეზე საუბრობს:
“ამდენი წელია ქოცები კომპრომატებს ეძებენ ჩემზე და ჩემს ოჯახზე – სულ ტყუილად!
დღეს, ეთერში, ჩემი მეუღლეც ახსენეს, ზესტაფონში იდგა გადაკეტვაზეო!
ჩემი მეუღლე პოლიციაში 1995 წლიდან მუშაობდა, სხვადასხვა თანამდებობაზე. 2003 წელს ზესტაფონის გადაკეტვაზე კი არა, ქუთაისის ჯგუფის უფროსი იყო პარლამენტთან!
2003 წელს ხელმძღვანელობდა განსაკუთრებით საშიშ კრიმინალთა ჯგუფის (ადამიანის გამტაცებლების) დაკავების სპეცოპერაციას. იმერეთის პროკურორისგან გავიგე, მერიის შენობის კიბეებზე რომ სიკვდილს გადაურჩა.
2004 წელს პრეზიდენტმა მიხეილ სააკაშვილმა დააჯილდოვა მედლით მხედრული მამაცობისთვის, ამავე წელს მიიღო რიგგარეშე ჩინი!
ნანა ლეჟავას ბანძი პროვოკაციის გამო, (საქმე ეხებოდა ვიდეოკასეტას, რომელიც მე მქონდა ), ვანო მერაბიშვილმა დაურეკა ირაკლი ჩიმაკაძეს და მოთხოვა ჩემს ქმარს, მიეტანა კასეტა, რაზეც მიიღო უარი – დაწერა განცხადება და პოლიციიდან წამოვიდა!
ჩემი თუ არ გჯერათ, ჩიმაკაძე მაქვე გყავთ სუსში და ჰკითხეთ!
არავისთვის არაფერი მითხოვია, არასდროს – რამდენიმე თვე იმუშავა მომსახურების სააგენტოში და იქიდან გოგაშვილის გამო წამოვიდა!
პირველად ვამბობ, რომ ასევე გოგაშვილის ახირებით, პოლიციიდან წავიდა ჩემი მაზლიშვილი, რომელიც ერთ ერთი რაიონის პოლიციის უფროსი იყო!
P.S. ახლა დათვალეთ, რამდენი პოლიციელი მიიტანდა ცოლის კასეტას მინისტრის მოთხოვნით?
და ბოლოს, გია ძაან მაგარი ბიჭია, ბოლო ბოლო 30 წელია მე მიძლებს!“