“ქართული ოცნების” სხვადასხვა ლიდერებთან მიმართებაში “გახარია საქართველოსთვის” გუნდის წევრების ცალკეულ მინიშნებებს მწვავე შეფასებებით და კონკრეტული შეხსენებებით ეხმაურება პოლიტიკის მეცნიერების დოქტორი, მოძრაობა “ერთიანი ნეიტრალური საქართველოს” დამფუძნებელი წევრი, ანალიტიკოსი ლევან ნიკოლეიშვილი:
“სასაცილოზე მეტია გახარიას გუნდიდან ვინმე ხმას ამოიღებს და კახი კალაძეს “კაცობაში ჩაჭრილს და ჭორიკანას” რომ უწოდებს… კაცობაში ჩაჭრილზე, მოღალატეზე და უკნიდან გუნდისთვის დანის ჩამცემზე თუ ვინმე გახსენდება, პირველ რიგში გახარია უსათუოდ.
ხოლო, რაც შეეხება მის გუნდს, ჭორიკნები არიან სწორედ, აბა პოლიტიკოსად რომელს მოიაზრებს ადამიანი?!
ხომ მართლა ვერც “კრიატივს” ვერ წაართმევ მათ – ნარკოტესტი სად ვისთან უნდა გაიკეთო? უცხოეთში რა თქმა უნდა, ოღონდ აუცილებლად კარდიოლოგთან…”, – წერს ფეისბუქის პირად გვერდზე ლევან ნიკოლეიშვილი.