ნარკომანიის პრობლემასთან, ნარკოპოლიტიკასთან დაკავშირებით “ქართული ოცნების” მიერ გაცხადებულ გეგმებს, კონკრეტული ფაქტების შეხსენებით და საყურადღებო შეკითხვებით ეხმაურება “ქრონიკა +”-ის მთავარი რედაქტორი ელისო კილაძე:
“ქართული ოცნება” თქვენი წყალობით, ბოლო რამდენიმე წელში ნარკომომხმარებელთა რიცხვი უსაშველოდ გაიზარდა!
ნარკოტიკი გახდა ნომერ პირველი პრობლემა და ამას აჩვენებს ყველა კვლევა‼️(ამიტომაც გადაწყვიტეთ თემას მოაჯდეთ), თორემ ბოლო ერთ წელზე მეტია ომში ვარ და ერთი განცხადება არ გაგიკეთებიათ, არ იმჩნევდით‼️
კანონის გამკაცრება პრობლემას ვერ აგვარებს, რას სთავაზობთ მილიონამდე ნარკომომხმარებელს, რომელიც სწორედ ე.წ. იაფ ნარკოტიკს მოიხმარს?
ქვეყანაში არ გვაქვს უფასო ნარკოლოგიური კლინიკები და ხელმისაწვდომი მკურნალობა‼️
ფსიქიატრიულ კლინიკებში ადგილები არაა‼️
ერთხელ მაინც თუ ყოფილხართ მსგავს კლინიკაში, სადაც ნარკოდამოკიდებულ ადამიანებს მკურნალობენ?
ჩანაცვლებითმა პროგრამებმა სრულიად მახინჯი ფორმა მიიღო და სასწრაფო რეფორმას საჭიროებს!
თუ კლინიკის დირექტორი ლოიალური არაა, უფასო ადგილების ქვოტას არ აძლევთ‼️
ფსიქოლოგის მომსახურების სერვისი არ გაქვთ!
რას იზამს ნარკომომხმარებელი ე.წ. ლომკაში?
როგორ უმკლავდებით და აკონტროლებთ შავ ბაზარს, რომელსაც მომხმარებელი მიაწყდება?!
ყველა მომხმარებელს დაიჭერთ? (ციხე არ გეყოფათ).
სად ატარებთ ნარკოლოგიურ შემოწმებას?!
შარდის ქილებით პატრულმა უნდა ირბინოს?!
ეს პრობლემა არის კომპლექსური, მხოლოდ მდინარაძის ბრიფინგით და კანონებში ცვლილებით არ გვარდება‼️
შეკრიბეთ და მოუსმინეთ ნარკოლოგებს, ფსიქოლოგებს, ექიმებს და დადეთ კომპლექსური გეგმა‼️
წინააღმდეგ შემთხვევაში მივიღებთ აყვავებულ შავ ბაზარს, გაყიდულ საწამლავს და კიდევ უფრო მეტ გარდაცვლილს‼️‼️‼️“, – წერს ფეისბუქის პირად გვერდზე ელისო კილაძე.
