საქართველოს მესამე პრეზიდენტი, მიხეილ სააკაშვილი ეხმაურება სასამართლოში ე.წ. ,,პიჯაკების საქმის” განხილვას და მწვავე შეფასებების აკეთებს მმართველი პარტიის მიმართ:
,,ქოც-დიქტატურა მედავება არა ფულის მოპარვას, არა რამის სახლში წაღებას, არამედ “გაფლანგვას”.
ამ გაფლანგვაში შედის, გარდა პიჯაკებისა და ქარშმირის პალტოსი, ვაცლავ ჰაველის და კაჩინსკის გასვენებაში მიტანილი გვირგვინებისა, 3500 ლარი ბურების გამასპინძლების. ეს ის ბურებია სამხრეთ აფრიკიდან, რომლებმაც ჩემთან შეხვედრის შემდეგ ჩადეს მრავალმილიონიანი ინვესტიციები, შემოიტანეს სოფლის მეურნეობის თანამედროვე ტექნოლოგიები.
ჩემი პრეზიდენტობის შედეგად საქართველოში ქვეყნის ბიუჯეტი გაიზარდა 11-ჯერ (პენსიები 10-ჯერ) ეკონომიკა გაიზარდა ოთხჯერ და შეიქმნა ახალი განათლების, ჯანდაცვის, საზოგადოებრივი სერვისის და პოლიციის სისტემები.
აშენდა უამრავი ობიექტი, რომელთა მხოლოდ ნაწილი გვაქვს აქ მოცემული.
ქვეყანაში ზეიმობს უსამართლობა, მაგრამ ეს სამუდამოდ ვერ გაგრძელდება!”, – აცხადებს მიხეილ სააკაშვილი.
ავტორი
მარიამ ხაჩირაშვილი
