ტელეკომპანია “კავკასიას” გენერალური დირექტორი, ნინო ჯანგირაშვილი ცალკეული პირების მიერ ქვეყნის დატოვების ფაქტებს და მათი მხრიდან ამ გადადგმულ ნაბიჯთან დაკავშირებით გაკეთებულ განმარტებებს, კონკრეტული პოზიციით ეხმაურება:
“აბა როგორ ვთქვა, რომ საქართველოში ცხოვრება არ არის საშიში. არის კი, დიდი ხანია არის. როგორ უნდა მოუწოდო ვინმეს რამე, როცა ხიფათი მართლა ყველა კუთხე–კუნჭულშია. დღეს ძალიან კარგი მომენტია წასასვლელად, მართლა.
“ოცნებას” ისეთი იმიჯი აქვს საზღვარგარეთ, ყველას მისცემენ პოლიტიკურ თავშესაფარს.
ვისაც წასვლა გინდათ წადით, კარგი შანსია, რომ სადმე სხვაგან დაფუძნდეთ. ვისაც ამ მომენტით სარგებლობა გინდათ წადით, ოღონდ ნუ ქმნით დრამას თქვენი გადაწყვეტილების ლეგიტიმაციისთვის და ნუ აძლიერებთ რეჟიმს, ამ სასაცილო, სამარცხვინო, მორღვეულ და მომპალ რეჟიმს. გაიპარეთ და შეგვეშვით“, – წერს ფეისბუქის პირად გვერდზე ნინო ჯანგირაშვილი.
