საქართველოს მესამე პრეზიდენტი, მიხეილ სააკაშვილი, კლინიკა “ვივამედიდან” სასამართლო სხდომაზე ჩართვისას სიტყვით გამოსვლის დროს, მის მიერ ქვეყანაში განხორციელებული აღმშენებლობითი პროექტების შესახებ საუბრობს:
,,თქვენ მსჯით იმისათვის, რომ ჩემი მონატრებული, ჩემი აშენებული ბათუმის მონახულება მომინდა და იმისათვის, რომ ჩემი აშენებული ავტობანით გამოვიარე საქართველო.
იმისათვის, რომ ჩემი ამოშენებული გეზით, შექმნილი სისტემის საბაჟოთი შემოვედი საქართველოში.
იმისათვის, რომ ჩემი დედულეთის, საყვარელი სამეგრელო, მოვინახულე, თუნდაც ორიოდე დღით.
იმისათვის, რომ ჩემს მშობლიურ თბილისში ჩამოვედი.
იმ პირობებში, როდესაც არცერთი სხვა ლეგალური გზა არ დამიტოვეთ. თვითმფრინავებს ჰქონდათ აკრძალული ჩემი ბორტზე დასმა და თუ დამსვამდნენ ბორტზე, მათ არ დასვამდნენ საქართველოში, გადაამისამართებდნენ სხვა ქვეყანაში. სხვა გზა საქართველოში შემოსვლის მე არ მქონდა.
ასევე, რა თქმა უნდა, მე ვისჯები იმისათვის, რომ ჩემ ხალხთან ერთად, ჩვენს შეიარაღებულ ძალებთან ერთად შევაჩერე და საქართველოს სახელმწიფოებრიობა გადავარჩინე 2008 წელს, გადავარჩინე საქართველო ყველაზე უარეს რამეს, რაც შეიძლება დამართნოდა.
ვისჯები იმისათვის, რომ დავინდე ჩვენი ხალხი და თავიდან ავარიდე დიდი პროვოკაცია და 2012 წელს მშვიდობიანად გადავეცი ხელისუფლება.
თქვენ, ამ სისტემას, რომელსაც წარმოადგენთ, მე რა მოსაყვანი ვარ [მაგალითისთვის], თვით დავით აღმაშენებელი, რომ ჩაგვარდნოდათ ხელში დიდი სიამოვნებით გაასამართლებდით და მიუსჯიდით გრძელვადიან პატიმრობას იმიტომ, რომ რაც დაკავშირებულია ქართულ სახელმწიფოებრიობასთან, ერთიანობასთან, განვითარებასთან, სიძლიერესთან, თქვენთვის და თქვენი პატრონებისთვის მიუღებელია“, – განაცხადა მიხეილ სააკაშვილმა.
ავტორი
მარიამ ხაჩირაშვილი
