პარლამენტის ყოფილი წევრი, ოპოზიციონერი პოლიტიკოსი მურმან დუმბაძე, ერთი ისტორიის გახსენების ფონზე, დღევანდელ და წინა ხელისუფლების დროინდელ კონკრეტულ სასამართლო პროცესებთან დაკავშირებით ავლებს პარალელს:
“ზვიად ცეცხლაძის დედამ სასამართლო პროცესზე 19 წლის შვილთან მიახლოება ვერ შეძლო. “დედა მიყვარხარ” – უნდა ეთქვა.
არ ათქმევინეს!
მინდა შეგახსენოთ ერთი ცნობილი სასამართლო პროცესის ამბავი. მე ყველა სასამართლო პროცესს ვესწრებოდი.
2009 წლის ზაფხულში, ქობულეთის ერთ-ერთ კაფეში ეკა ბესელიას (მაშინ ოპოზიციური პარტია “ერთიანი საქართველოს” ლიდერი) ძმას-სერგო ბესელიას და შვილს რატი მილორავას პილიციასთან ინციდენტი შეემთხვათ, რასაც დაპატიმრება და სასამართლო პროცესი მოყვა.
სასამართლო პროცესი ხანგრძლივი დროით, (ზოგჯერ 8, 10 საათიანი)რამდენადაც მახსოვს მთელი შემოდგომა და დეკემბერი მიდიოდა.
არცერთ სასამართლო სხდომას (ვიმეორებ, ყველა სასამართლო სხდომას ვესწრებოდი) ეკა ბესელიას შვილი რატი მილორავა არ დასწრებია!
არცერთ სასამართლო სხდომას!
უფრო მეტიც, რატი მილორავა არც წინასწარ პატიმრობაში აუყვანიათ, აღმკვეთ ღონისძიებად გირაო იყო შეფარდებული.
და კიდევ უფრო მეტი:
სასამართლოს საბოლოო განაჩენის შემდეგ რატი მილორავა არცერთი დღით არ მჯდარა ციხეში.
ასე იქცეოდა “სისხლიანი 9 წლის” შემოქმედი მიხეილ სააკაშვილი, ევროპის უკანასკნელ ტირანს, რომ ვეძახდით.
ბოდიშს დიდი ძალა აქვს. მიშაზე ბევრს აქვს მოსახდელი ბოდიში.
მე, ეს დიდი ხნის წინ გავბედე.
პ.ს. ივანიშვილო შენ ლოგინი უნდა მოგენატროს! მოგენატრება!” – წერს ფეისბუქის პირად გვერდზე მურმან დუმბაძე.
