“ჯელსომინოები ვართ, აბა, რა ვართ, ოღონდ ცრუთა ქვეყანაში კი არა მხოლოდ, ცრუთა სამყაროში აღმოვჩნდით მგონი მთელი მსოფლიო” – არჩილ გამზარდია

ანალიტიკოსი, ჟურნალისტი არჩილ გამზარდია კონკრეტულ ამბავს იხსენებს და მსოფლიო პარადოქსალურ რეალობაზე საუბრობს…:

“რამდენიმე წლის წინ, ჩემს შვილებს ჯანი როდარის ერთ ზღაპარს ვუკითხავდით – ჯელსომინოს თავგადასავალს, უფრო ზუსტად კი ერქვა ჯელსომინო ცრუთა ქვეყანაში. ჯელსომინო ცრუთა ქვეყანაში მოხვდება, სადაც ყოფილი მეკობრე იყო გამეფებული. მისი ბრძანება იყო, ერთი სიტყვა სიმართლე არავინ გამაგონოთო. აქ კატები ყეფდნენ, ძაღლები კი კნაოდნენ. ამ ქვეყნის გაზეთს კი „სამაგალითო მატყუარა“ ერქვა, რომელშიც ყველა ახალი ამბავი იწერებოდა.

მოკლედ, რომ ვუყურებ, რა რეალობაშიც გადავდივართ, ეს უკვე ორუელის ცხოველების ფერმა კი არა, როდარის ჯელსომინოა ცრუთა ქვეყანაში.

ტრამპი ზელენსკის წინააღმდეგაა, ლე პენი ზელენსკის გულშემატკივრობს, ქართული ოცნება ტოტალიტარიზმის შექმნის ფონზე ევროპას უწუნებს დემოკრატიას, სახელისუფლებო იურისტები კი ვენეციის კომისიას კვალიფიკაციას უწუნებენ, ივანიშვილის ქცევითი დამოკიდებულებები კი ტრამპის რიტორიკის საგანი გახდა.

ჯელსომინოები ვართ, აბა, რა ვართ, ოღონდ ცრუთა ქვეყანაში კი არა მხოლოდ, ცრუთა სამყაროში აღმოვჩნდით მგონი მთელი მსოფლიო“, – წერს ფეისბუქის პირად გვერდზე არჩილ გამზარდია.