პარლამენტის პირველი ვიცე-სპიკერი, გიორგი ვოლსკი ჟურნალისტებთან კომენტარს აკეთებს ქვეყანაში მიმდინარე საპროტესტო აქციებთან დაკავშირებით:
,,მძიმე სურათია, ეს პროტესტი გადავიდა ისეთ სტადიაში, როდესაც ადამიანები უკან ვერ იხევენ და ვერც იმ სიმართლეს აღიარებენ, რომ არჩევნები არ გაყალბებულა და ეს გაყალბების თემა არის შემოტანილი ჩვენს სივრცეში, იმისათვის, რათა გარკვეული ხალხის გარშემო, გარკვეული იდეის გარშემო მოხდეს კონსოლიდაცია პოლიტიკური ძალების.
რა საკვირველია, პოლიტიკური ძალები, რომლებიც ამის უკან დგანან არიან სწორედ, ის ადამიანები, ვინც იდაყვებამდე გაისვარა ხელი ხალხის სისხლში და მომავალში კიდევ ქვეყანას უპირებს ისეთ მდგომარეობაში შეყვანას, როდესაც ნგრევის პროცესი იქნება შეუქცევადი.
ეს ადამიანები დღეს მართავენ ამ პროცესებს და ადამიანების გარკვეული ნაწილი არის გულწრფელად გამოსული – ჰგონიათ, რომ საგარეო კურსი შეიცვლება.
მე დარწმუნებული ვარ, რომ არც ესეთი გონებადაბინდულია ყველა, რომ ვერ ხედავდეს რეალობაში მსოფლიოში რა პროცესი მიდის, მაგრამ უკან ვეღარ იხევენ იცით?!
მე ვფიქრობ, ეს პროტესტი ადრე თუ გვიან უნდა შეჩერდეს იმ ადამიანების ხარჯზე, რომლებიც სიღრმისეულად გაანალიზებენ თუ რა უბედურება დაატყდება საქართველოს იმ შემთხვევაში, თუკი ავყვებით გიორგი ვაშაძის მოსაზრებას, ან თუნდაც სალომე ზურაბიშვილის თუ ლევან ხაბეიშვილის მოსაზრებებს, თუ რას უნდა ჰგავდეს საქართველოს პოლიტიკა ხვალ.
ამ შემთხვევაში იმედი მაქვს მაინც საზოგადოების დიდი ნაწილი სათანადო დასკვნებს გააკეთებს და აღარ აყვება იმ პროვოკაციას, რომელიც ვიხილეთ ამ ხნის განმავლობაში“,- განაცხადა გიორგი ვოლსკიმ.
ავტორი
მარიამ ხაჩირაშვილი
