“უკვე გადალახეს სიგიჟის ისეთი ზღვარი, რომ იმის იქით ერთი სიგიჟით მეტი, ერთით ნაკლები, სულერთია, ჯარიმების არ იყოს” – ნინო ჯანგირაშვილი

პარლამენტში განსახილველ “მედიის შესახებ” კანონპროექტთან დაკავშირებით პოზიციას აფიქსირებს ტელეკომპანია “კავკასიას” გენერალური დირექტორი, ნინო ჯანგირაშვილი:

“ყველაზე ცუდი რა დაემართათ იცით ქოცებს?

ხომ ფინანსურად უმძიმეს მდგომარეობაში ვართ მედია, ჩვენ განსაკუთრებით, ახლა კანონით საერთოდ არათუ გრანტის აღებას, ტელევიზიებს საერთოდ უცხოელებთან ურთიერთობას გვიკრძალავენ, საჯარიმო სანქციებს გვიმკაცრებენ და ეთერში რამეს რომ ვიტყვი ბექაურს თუ არ მოეწონა, შეუძლია დამაჯარიმოს და მერე დამხუროს, მოკლედ ძალიან დრამატული ვითარებაა, მაგრამ… მეცინება. უბრალოდ მეცინება.

არც პარლამენტში ვაპირებ მისვლას და პროექტის განხილვას ან გაპროტესტებას, არც არაფერს. აი, სულ ფეხებზე მკიდია. უკვე გადალახეს სიგიჟის ისეთი ზღვარი, რომ იმის იქით ერთი სიგიჟით მეტი, ერთით ნაკლები, სულერთია, ჯარიმების არ იყოს.

ვითვლიდი ჩემთვის, რამდენი რეპრესიულ კანონსაც იღებენ და რამდენი ადამიანის ციხეში ჩასმაც მოუწევთ, ამ რეპრესიების აღსასრულებლად მინიმუმ ასი ათასი ადამიანი ჭირდებათ და მინიმუმ 300 ათასი ადამიანი უნდა ჩაგვსვან ციხეში.

ხოდა, აბა ამაზე როგორ უნდა ვინერვიულოთ? გავერთოთ არ ჯობია?“, – წერს ფეისბუქის პირად გვერდზე ნინო ჯანგირაშვილი.