ქართველი მწერალი, ლიტერატურული პრემია საბას ლაურეატი, მუსიკოსი, სცენარისტი, სამოქალაქო აქტივისტი ტორესა მოსი პარალელს ავლებს მიხეილ სააკაშვილისა და ახლანდელი მმართველი პარტიის პასუხისმგებლობას შორის, ექსტრემალურ სიტუაციებში:
“მიხეილ სააკაშვილის და “ნაციონალური მოძრაობის” ამომრჩეველი არასოდეს ვყოფილვარ. ბევრი მიზეზის გამო. მაგრამ ზუსტად ახლა და ზუსტად მე უნდა ვაღიარო, რომ ეს რომ მომხდარიყო “ნაციონალური მოძრაობის” ხელისუფლებაში ყოფნის დროს, სააკაშვილი პირადად იქნებოდა ჩასული გურიაშიც და აჭარაშიც. ვნახავდით “ლაფატკით” ხელში როგორ ცდილობს გზის გაკვალვას რომელიმე სახლისკენ. ვნახავდით ტრაქტორზე შემხტარს. ვნახავდით როგორ ამხობს თავზე რომელიმე გამგებელს, რომელმაც რაღაც არ გააკეთა რაც უნდა გაეკეთებინა. ამაზე ტრაკში პერო საზოგადოება დავცინებდით, ვიტყოდით რომ ეს კაცი პოპულისტია, კაი რა აი რა დროს ამის პოზიორობაა, მაგრამ იქ, თოვლში ჩარჩენილ ხალხს ეცოდინებოდა, რომ სახელმწიფო იქ არის, რომ მარტო არ არიან, რომ პრეზიდენტი პირადად არის ჩასული და ყველა ყველაფერს აკეთებს მათ დასახმარებლად. და ჰო, ახლა ამ გადასახედიდან ვხვდები, რომ ზოგჯერ რაღაც არ არის მარტო პოპულიზმი. ზოგჯერ ადამიანი შეიძლება იმის რწმენამ გადაარჩინოს, რომ დახმარება გზაშია და ის მარტო არ არის.
ქოცების შედარება ნაციონალურ მოძრაობასთან არ შეიძლება. ქოცებმა ჩაიდინეს ყველა ის დანაშაული, რისთვისაც პასუხს ვთხოვდით ნაციონალურ მოძრაობას და ჩაიდინეს გაცილებით უარესი. მათ გააკეთეს ის, რაც არ გააკეთა სააკაშვილმა 2012 წელს და არჩევნებში მარცხი აღიარა, ხელისუფლება გადააბარა და არ შეგვითრია მთელი ქვეყანა ამ დამღუპველ სცენარში.
ომი არ მინდა, მაგრამ მინდა მჯეროდეს, რომ თუ ამ ქვეყანას კვლავ დაესხმება თავს რუსეთი, ან ნებისმიერი ვინმე, მყავს ხელისუფლება, რომელიც ამ ქვეყნის დასაცავად იბრძოლებს. მინდა მჯეროდეს რომ ქვეყანას არ მართავს დამფრთხალი კაცი, რომელიც თავდასხმის პირველივე წუთებში არ დაქოქავს თვითმფრინავს და სადმე თბილ ქვეყნებში არ გაფრინდება.
ქართული ოცნება გადაიქცა საქართველოს სახელმწიფოებრიობის სიკვდილად და მათთან შედარებით ნაციონალური მოძრაობის ხელისუფლება იყო ყველაზე პატრიოტული, რეფორმატორული და ხალხზე მზრუნველი ხელისუფლება, რომელიც გრძნობდა პასუხისმგებლობას და აშენებდა სახელმწიფოს.
ამიტომ დღეიდან როცა პროპაგანდისტები გეტყვიან რომ ნაცი ხართ, გამოდით თავის მართლების რეჟიმიდან. ქოცებზე უარესი ამ ქვეყანას არავინ და არაფერი ახსოვს“, – წერს ფეისბუქის პირად გვერდზე ტორესა მოსი.
