,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს თბილისის აეროპორტში საქართველოს მე-5 პრეზიდენტ, სალომე ზურაბიშვილსა და ექსპრემიერ გიორგი გახარიაზე თავდასხმასხმის ფაქტთან დაკავშირებით:
,,კვერცხებით ვერ დამალავენ სიმართლეს, რომ ივანიშვილის რეჟიმის გამო საქართველო იზოლაციაშია.
მათი სცენარი მარტივია – კვერცხები, პროვოკაციები, დაპირისპირება – ცდილობენ, შექნან ცრუ დღისწესრიგი, ხალხს დაავიწყონ მთავარი პრობლემა, რომ არალეგიტიმური რეჟიმის გამო საქართველო იზოლაციაშია – ხალხი და დასავლეთი აღარ ენდობა ამ ე.წ. ხელისუფლებას;
ევროკავშირმა შეწყვიტა მნიშვნელოვანი დაფინანსებები;
ამერიკამ უკვე დაუწესა სანქციები ძალადობრივ ჩინოვნიკებს და ეს პროცესი გაგრძელდება.
ინვესტიციები და სამუშაო ადგილები იკლებს.
რატომ აწყობთ პროვოკაციები? – იმიტომ, რომ გადაფარონ ფაქტი, რომ ამ ქვეყნის ნამდვილი საფრთხე თავად არიან და ხალხმა არ დასვას კითხვა ვინ არის პასუხისმგებელი საქართველოს იზოლაციაზე? – პასუხია ივანიშვილის რეჟიმი!
ვინ ართმევს საქართველოს ევროპულ მომავალს? – პასუხი ისევ ივანიშვილის რეჟიმია.
რატომ მცირდება სამუშაო ადგილები და რატომ გრძელდება გაჭირვება? – იმიტომ, რომ ქვეყნის ძარცვა პირად ბიზნესად აქციეს!
ჩვენი არჩევანი ცხადია!
არ შევეგუებით რეჟიმს! არ დავუშვებთ საქართველოს საერთაშორისო იზოლაციას!
ჩვენი ბრძოლა – თავისუფლებისთვის, და რეჟიმის ცვლილებისთვის გრძელდება.
ისინი გვთავაზობენ შიშსა და მონობას – ჩვენ ვირჩევთ თავისუფლებას და სიძლიერეს!
ეს ქვეყანა ხალხს ეკუთვნის და ხალხი მას დაიბრუნებს”, – განაცხადა პაატა მანჯგალაძემ.
ავტორი
მარიამ ხაჩირაშვილი
