“ლეიბორისტული პარტიის” თავმჯდომარე, შალვა ნათელაშვილი პოლიტიკურ შეფასებებს აკეთებს ქვეყანაში შექმნილ რეალობაზე, ძალადობის ფაქტებზე და კრიტიკული შეფასებებით მიმართავს პროდასავლურ პარტიებს:
“ოლიგარქის რეჟიმს არაფერი ადამიანური აღარ შერჩა. ამის დასტურია კვერცხებით დიალოგის გაგრძელება და დღეს დილით ქალბატონ ზურაბიშვილზეც თავდასხმა.
ამ მხრივ ყველაფერი სამწუხაროდ გასაგებია, მაგრამ გაუგებარია ოთხი ე.წ. გამარჯვებული პროევროპული პარტიის უმოქმედობა, რომლებმაც ისიც ვერ მოიფიქრეს, რომ თავიაანთ ლიდერებს აეროპორტში დაახვედრონ 20-50 კაციანი ჯგუფები, ტრანსპარანტებით, ტაშით და მშვიდობიანი ძალის დემონსტრირებით, რაც გარდაუვლად ჩააგდებდა ოლიგარქის პროვოკატორთა ხულიგნურ გამოხდომებს.
მით უფრო ყველამ იცის წინასწარ, რომ დიდი ალბათობით რეჟიმი ამ ნაბიჯებზე ყოველთვის მიდის. როდისღა უნდა ვისწავლოთ ელემენტარული პოლიტიკა მაინც?” – წერს ფეისბუქის პირად გვერდზე შალვა ნათელაშვილი.
