ქართველი ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია სოციალურ ქსელში სტატუსს აქვეყნებს, სადაც ქვეყანაში არსებულ მწვავე რეალობაზე საუბრობს და კრიტიკულ შეფასებებს აკეთებს:
,,რაღაც უბედურებაა ჩვენსთავს, მტერ-მოყვარე აგვრევია…. ადამიანებს ბრალი აქვთ ქვეყნის ღალატში, მტერთან თანამშრომლობაში, მთელი პროგრესული საზოგადოება და სახელმწიფოები (ევროპა, ამერიკა) სახელდობრ ასანქცირებს მათ ამ დანაშაულის გამო და წყვეტს მათთან ყოველგვარ პოლიტიკურ თუ სხვა ურთიერთობას და ჩვენ კიდევ ხელისუფლებად მოვიხსენიებთ… და მათგან ველოდებით არჩევნების დანიშვნას?
ოპოზიციური პარტიები თანამშრომლობს მათთან ადგილობრივ საკრებულოში!! არ მესმის, ევროპა-ამერიკისთვის – მათ ღირებულებებს უღალატეს და ჩვენ ქვეყანა მოგვტაცეს!
არ მესმის, რა არის ჩვენი პოზიცია, სადაა ერთობა? რატომ გადმობარგდა და რატომ აღმოჩნდა სათავეში ის ადამიანები, პოლიტიკური ფიგურები, რომელთაც მონაწილეობა მიიღეს ქვეყნის მოტაცებაში…
თანამშრომლობდნენ რუსებთან, როდესაც ამზადებდნენ გადატრიალებას, როდესაც დადგეს ბედუკაძის ქეისი (ეს ბედუკაძე ახლა რუსეთშია და იქ მიღებულია, ასლან აბაშიძესთან, იგორ გიორგაძესთან, თემურ ხაჩიშვილთან ერთად), ვინც 9 თვის ბავშვი ქვევრში ჩაახრჩო და არ გამოიძია… ვინც რუსის აგენტურა ციხიდან გაათავისუფლა პოლიტპატიმრის სტატუსით!
Როგორ ფიქრობთ, ვისთვის იყო რთული გაერკვია ბიძინას ბიოგრაფია, თუნდაც იმ რუსულით, რომელზედაც ის ამეტყველდა ჩვენ თვალწინ, შეეძლო დაეცვა სამეცნიერო ხარისხი რუსეთში? რა ჰქვია ამ მდგომარეობას?”, – წერს ბეჟან ჯავახია.
ავტორი
ნინი ხიჯაკაძე
