“რუსთავი 2”-ის ეთერში, “ღამის კურიერში” სტუმრად მიწვეულმა გიორგი ვაშაძემ, წამყვანს, ნინო შუბლაძეს რამდენიმეჯერ შესთავაზა/მიანიშნა რომ სოლიდარობა გამოეცხადებინა მოშიმშილე პატიმარის, მედიამენეჯერ მზია ამაღლობელისადმი, რაც წამყვანმა არ გაიზიარა. აღნიშნულ ფაქტს, სოციალური ქსელში, მწვავე შეფასებებით ეხმაურება ჟურნალისტი მერაბ მეტრეველი:
“ნინო შუბლაძე, მე მრცხვენია შენს მაგივრად🙁
სოლიდარობის ერთი სიტყვა როგორ ვერ დაგაცდევინა სტუმარმა, მოშიმშილე კოლეგის მიმართ?!
ასე რამ დაგაბეჩავათ მაგ ტელევიზიაში?!
იმას რომ არკვევ, დანაშაულია თუ არა პოლიციელისთვის სილის გაწვნაო, ისიც იკითხე, რამდენად სამართლიანია ამ დანაშულისთვის 4-დან 7 წლამდე მუხლის წაყენება და რაც მთავარია, რამდენად აუცილებელი იყო მზიას წინასწარ პატიმრობაში ჩასმა? ანუ შენც გგონია, რომ მზია რეციდივისტია და გირაოთი რომ გამოეშვათ და ასე გაგრძელებულიყო ძიება, დანაშაულს თავიდან ჩაიდენდა?
მისი წინასწარ პატიმრობაში ჩასმა მაინც არ გეუბნება არაფერს?
მაგრამ ასე მგონია, სამთავრობო მედიებში სინდისთან ერთად ფიქრის უნარიც დაკარგეთ“, – წერს ფეისბუქის პირად გვერდზე მერაბ მეტრეველი.
