განათლების ყოფილი მინისტრი, პოლიტიკის ექსპერტი გია ნოდია ქვეყანაში შექმნილ მძიმე რეალობაზე საუბრობს:
“ივანიშვილის რეჟიმი სისტემურად და თანმიმდევრულად მიდის სრული ავტორიტარული კონსოლიდაციისკენ. ეს ნიშნავს ყველაფერი იმის განადგურებას, რის გამოც საქართველო ბოლო 30 წლის განმავლობაში შედარებით თავისუფალი ქვეყანა იყო: პოლიტიკური ოპოზიციის, დამოუკიდებელი მედიის, საზოგადოებრივი ორგანიზაციების, სახალხო პროტესტის კულტურის.
„გავხდებით თუ არა ბელარუსი“ აღარაა თეორიული პრობლემა, ეს ხელისუფლების დღევანდელი დღის წესრიგია.
ის, რაც ამ ეტაპზე ბელარუსს გვაშორებს, სახალხო პროტესტია. ივანიშვილი არსებითად აღარ განსხვავდება ლუკაშენკოსგან; მაგრამ ბელარუსი ჯერ არ ვართ, იმიტომ რომ საზოგადოება მას არ შეგუებია და ბრძოლას განაგრძობს.
ვიმყოფებით ორ ფუნდამენტურ გაურკვევლობას შორის:
- რამ უნდა აიძულოს ივანიშვილი, ხელისუფლება დათმოს;
- როგორ უნდა მოახერხოს ივანიშვილმა, ამ საზოგადოებას წინააღმდეგობის მუხტი ჩაუკლას.
ვიცი, რომ ეს ყველაფერი იცით“, – წერს ფეისბუქის პირად გვერდზე გია ნოდია.
