“დიახ მამა, მაშინაც ვთვლიდი და ახლაც ვთვლი, რომ მართალ საქმეს ვაკეთებ, მაშინაც ოკუპანტებს ვებრძოდი და ახლაც, ვერ გავჩერდები, სანამ არ გავიმარჯვებთ” – კობა ხაბაზი

ოპოზიციონერი პოლიტიკოსი, კობა ხაბაზი მამის გარდაცვალების დღეს საპროტესტო აქციაზე იმყოფებოდა და სოციალურ ქსელში გამოქვეყნებულ პოსტში მამასთან დაკავშირებულ ისტორიას იხსენებს:

“დღეს მამის გარდაცვალების დღეა.

ძალიან მინდოდა მის საფლავზე ასვლა, მაგრამ ვერ შევძელი, რადგან აქ, რუსთაველზე უნდა ვყოფილიყავი.

როცა სინდისი მაწუხებს საფლავზე მიუსვლელობის გამო, მისი სიტყვები მახსენდება, რომელიც ეროვნულ-გამათავისუფლებელი მოძრაობის დაწყების პირველ დღეებში მითხრა და დღემდე ანდერძივით მომყვება:

“თუ თვლი მართალ საქმეს აკეთებ, დადექი ბოლომდე,
თუ არა, ნურც თავს მოიტყუებ და არც სხვა მოატყუო“.

დიახ მამა, მაშინაც ვთვლიდი და ახლაც ვთვლი, რომ მართალ საქმეს ვაკეთებ, მაშინაც ოკუპანტებს ვებრძოდი და ახლაც, ვერ გავჩერდები, სანამ არ გავიმარჯვებთ“, – წერს ფეისბუქის პირად გვერდზე კობა ხაბაზი.