ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე, ევროინტეგრაციის საკითხებში ყოფილი სახელმწიფო მინისტრის ალექსი (ბუკა) პეტრიაშვილის დაჯარიმების ფაქტს, ემოციური შეფასებებით ეხმაურება და რამდენიმე თვის წინ მომხდარ ტრაგედიას შეახსენებს საზოგადოებას:
“ბუკა პეტრიაშვილი 5000 ლარით დააჯარიმეს მამების და შვილების მარშზე ხალხო. თანაც კიდევ ვისი ხელით? სანქცირებული ნაციონალი მოსამართლის ხელით, ვითომ ნაცების რომ გეშინიათ ზოგს.
ბოროტების ზეიმია ქვეყანაში.
ისეთი ტრაგედიის წინაშე, რაც ბუკამ სულ ცოტა ხნის წინ გადაიტანა კი არა, – გადააქვს, ცხოველსაც კი მოკრძალება გაუჩნდებოდა.
რა სიბნელე და მართლა დემონები და ქვესკნელი ამოგდით სულში. მეტი არაა ჩემი მტერი სული ჰქონდეს ამის ჩამდენს. თქვენ რას ჩადიხართ, თორემ მას კი არ სჭირდება ვინმესგან თანაგრძნობა“, – წერს ფეისბუქის პირად გვერდზე ნათია ფანჯიკიძე.
ინფორმაციისვის: გასული წლის 11 ოქტომბერს ტრაგედია დატრიალდა ყოფილი სახელმწიფო მინისტრის, ალექსი პეტრიაშვილის ოჯახში. უბედური შემთხვევის შედეგად, მისი ვაჟი ტრაგიკულად დაიღუპა.
